لاہور(سپورٹس رپورٹر) بنگلہ دیش کرکٹ بورڈ نے پاکستان کیخلاف16رکنی ٹی ٹونٹی ٹیم کا اعلان کردیا ہے۔پاکستان کے خلاف سیریز کیلئے بنگلہ دیش کی ٹی ٹونٹی ٹیم کا اعلان کردیا گیا ہے، شکیب الحسن اور سیف الدین انجریز کی وجہ سے منتخب نہیں ہوسکے جبکہ ورلڈکپ کھیلنے والی ٹیم میں 6 تبدیلیاں کی گئی ہیں اور محمود اللہ کو کپتان مقرر کیا گیا ہے۔ لٹن داس، سومعیہ سرکار اور روبیل حسن کو خراب پرفارمنس پر ڈراپ کیا گیا ہے تاہم بیٹر نجم الحسن شنتو اور لیگ سپنر امین السلام کی واپسی ہوئی ہے۔ورلڈکپ میں مایوس کن کارکردگی پر تجربہ کار بلے باز مشفق الرحیم کو ڈراپ کر کے نوجوان بلے باز کو موقع دیا گیا ہے۔ 2008 کے بعد یہ پہلا موقع ہے کہ مشفق الرحیم کو سینئر ٹیم سے باہر کیا گیا ہے۔سکواڈ میں نورالحسن، شمیم حسین، محمد نعیم ، نسوم احمد ، امین السلام ، سیف حسن، مہدی حسن، شہیدالسلام ، نجم الحسین ‘مستفیض الرحمان، یاسر علی، عاطف حسین، تسکین احمد، اکبر علی اور شریف السلام شامل ہیں۔