لاہور(سپورٹس رپورٹر) پاکستان کی میزبانی میں ویسپا ورلڈ سکریبل چیمپئن شپ 20 نومبر سے شروع ہو رہی ہے، جس کیلئے پاکستانی ٹیم کا اعلان بھی ہو گیا۔ چیمپئن شپ 5 دسمبر تک کھیلی جائے گی، کرونا وبا کی وجہ سے ایونٹ کا انعقاد آن لائن ہوگا۔  23 ممالک کے 100 سے زائد کھلاڑیوں نے شرکت کی تصدیق کر دی ،  7 رکنی ٹیم کے کپتان وسیم کھتری ‘ عماد علی، حشام ، علی سلمان، صائم وقار، عثمان شوکت، باسل خان شامل ہیں۔اس چیمپین شپ کی مجموعی انعامی رقم 8 ہزار یورو ہے۔ پاکستان مسلسل 3 سکریبل ورلڈ چیمپئن شپ کی میزبانی کرنے والا پہلا ملک ہے۔پاکستان سکریبل ایسوسی ایشن کے صدر کا کہنا ہے کہ ورلڈ چیمپئن شپ کی میزبانی کرنا اعزاز سے کم نہیں۔