لاہور(سپورٹس رپورٹر)پاکستان ہاکی فیڈریشن حکام ہالینڈ سے تعلق رکھنے والے سیگفڈ ایکمین کی خدمات حاصل کرنے کی خواہشمند ہیں۔سیگفڈ ایکمین کی کوچنگ میں جاپان نے جکارتہ ایشین گیمز میں گولڈ میڈل جیتا۔ذرائع کا کہنا ہے کہ معاملات طے ہونے پر ایکمین اگلے ماہ پاکستانی ٹیم کو جوائن کرسکتے ہیں۔ایکمین انٹرنیشنل ہاکی فیڈریشن کے کوالیفائیڈ سینئر کوچ اور ایف آئی ایچ کوچ ایجوکیشن ٹرینر ہیں۔ذرائع کے مطابق پی ایچ ایف حکام کے رابطے پر ایکمین نے پاکستانی ٹیم کے ساتھ وابستگی میں دلچسپی ظاہر کی ہے۔باقاعدہ کنٹریکٹ سائن ہونے کی صورت میں وہ اگلی ماہ بنگلہ دیش کے شہر ڈھاکہ میں چودہ دسمبر سے شروع ہونے والی ایشین چیمپئنز ٹرافی سے پہلے پاکستانی ٹیم کو جوائن کرلیں گے۔پاکستان ہاکی فیڈریشن حکام کی یہ بھی کوشش ہے کہ ایکیمین بھارت میں جونیئرورلڈکپ میں شریک قومی ٹیم کے پاس پہنچ کرٹیم کو کھلانے میں مدد دیں۔