لاہور(سپورٹس رپورٹر)پاکستان ہاکی فیڈریشن نے ایشین چیمپینز ٹرافی کی تیاری کیلئے30رکنی قومی ہاکی تربیتی کیمپ کا اعلان کردیا،ہیڈ کوچ اولمپین خواجہ جنید کیمپ کمانڈنٹ تعینات، کیمپ 20 نومبر سے نیشنل ہاکی سٹیڈیم لاہور میں منعقد ہوگا۔ 14 دسمبر تا 22 دسمبر بنگلہ دیش کے شہر ڈھاکہ میں منعقد ہونے والی ایشین چیمپینز ٹرافی میں شرکت کیلئے قومی ہاکی ٹیم کی تشکیل اور تیاری کے سلسلہ میں پاکستان ہاکی فیڈریشن نے 30 کھلاڑیوں کو قومی سینئر ہاکی تربیتی کیمپ میں بلوا لیا ہے۔ کیمپ 20 نومبر سے نیشنل ہاکی سٹیڈیم لاہور میں منعقد ہوگا جوکہ 10 دسمبر تک جاری رہے گا۔ کیمپ میں شامل کھلاڑیوں کو ہدایات جاری کردی گئی ہیں کہ وہ 20نومبر کو کیمپ کمانڈنٹ و ہیڈ کوچ قومی ہاکی ٹیم اولمپین خواجہ جنید کو رپورٹ کریں۔پاکستان ہاکی فیڈریشن کی جانب سے قومی ہاکی تربیتی کیمپ میں جن 30کھلاڑیوں کو بلوایا گیا ہے ان میں منیب الرحمٰن(گول کیپر)، اکمل حسین(گول کیپر)، دفاعی کھلاڑی: مبشر علی، ابوبکر محمود، تعظیم الحسن ، امجد علی خان، جنید کمال، عماد شکیل بٹ، احتشام اسلم ‘ سمیع اللہ خان‘ارباز احمد‘ فارورڈز: عمر بھٹہ ، علی شان ، ایم اظفر یعقوب، اعجاز احمد ، احمد ندیم، حمزہ وحید، سلمان رزاق، نوید عالم ، عبید اللہ، نوحیز زاہد ملک ، افراز ، جنید منظور، ذکریا حیات ، علی عزیز ، مرتضیٰ یعقوب ، حسن امین ، شاہ زیب خان ، ایم رضوان سینئر  اور عثمان خان شامل ہیں۔کیمپ کمانڈنٹ ، ہیڈ کوچ قومی ہاکی ٹیم اولمپین خواجہ جنید ہونگے جبکہ کوچز اولمپین سید سمیر حسین اور اجمل خان لودھی انٹرنیشنل ، ندیم خان لودھی‘ ویڈیو انالسٹ، ڈاکٹر اسد عباس شاہ اور عابد امین بطور فریکل ٹرینر قومی ہاکی تربیتی کیمپ میں پیشہ ورانہ ذمہ داریاں سرانجام دینگے۔