لاہور (سٹاف رپورٹر ) پنجاب ایجوکیشن فاؤنڈیشن کے ڈائریکٹر آئی ٹی محمد شعیب کی سند ھ ایجوکیشن فاؤنڈیشن کے ڈائریکٹر آئی ٹی عبدالحق سومرو سے پیف ہیڈ آفس میں آن لائن میٹنگ ہوئی۔میٹنگ کے دوران ڈائریکٹر آئی ٹی نے اْنہیں پیف کے سٹوڈنٹ انفارمیشن سسٹم (SIS)پر تفصیلی بریفنگ دی۔ انہوں نے بتایا کہ پیف نے اپنے تعلیمی منصوبوں فاؤنڈیشن اسسٹڈ سکول پروگرام، ایجوکیشن وؤچر سکیم اور نیو سکول پروگرام سے منسلک 25لاکھ سے زائد طالب علموں کا ڈیٹا بمعہ تصاویر اور تقریباً ایک لاکھ سے زائد اساتذہ کا ریکارڈ سٹوڈنٹ انفارمیشن سسٹم میں محفوظ کر رکھا ہے۔