لاہور(لیڈی رپورٹر)تحریک انصاف کی ممبر پنجاب اسمبلی مومنہ وحیداور شعبہ خواتین کی رہنما ڈاکٹر ثانیہ کھیڑا نے ڈائریکٹر جنرل نرسنگ شہناز قیوم کو پاکستان نرسنگ کونسل کی صدر منتخب ہونے پر مبارکباد دی ہے۔خواتین رہنمائوں نے کہا ہے کہ شہناز قیوم جس انداز سے نرسنگ کے ادارہ کو چلا رہی ہیں اس کی مثال نہیں ملتی۔پاکستان نرسنگ کونسل کی نو منتخب صدر شہناز قیوم کی کا وشوں کو سراہتے ہوئے انہوں نے کہا کہ شہناز قیوم  نرسنگ میں اعلی پیشہ ورانہ معیار کو فروغ دینے اور ان کی پاسداری کے لئے کوشاں ہیں۔