پاکستان جونیئر ہاکی ٹیم کے اعزاز میں ہائی کمشنرکا پر تکلف عشائیہ
لاہور(سپورٹس رپورٹر ) عالمی جونیئر ہاکی کپ میں شرکت کیلئے بھارت میں موجود پاکستان جونیئر ہاکی ٹیم کے اعزاز میں ہائی کمشنر نے پر تکلف عشائیہ دیا۔ گزشتہ ورز نیو دہلی آمد پر قومی جونیئر ہاکی سکواڈ کا استقبال پاکستانی ہائی کمشن نے کیا۔بھارت میں تعینات پاکستانی ہائی کمشنر آفتاب حسن خان نے قومی جونیئر ہاکی سکواڈ کے اعزاز میں پرتکلف ظہرانہ دیا۔ظہرانہ کے بعد پاکستان جونیئر ہاکی ٹیم ہیڈ کوچ اولمپین دانش کلیم کی قیادت میں بھوبنیشور روانہ ہوئی۔پاکستان جونیئر ہاکی ٹیم پریکٹس میچز کے سلسلہ میں 21 نومبر کو چلی اور 22 نومبر کو کینیڈا کے خلاف کھیلے گی۔ان پریکٹس میچز کو آف کیمرہ رکھا جائیگا۔ عالمی جونیئر ہاکی کپ ایونٹ کا آغاز 24نومبر کو ہوگا جس میں پاکستان جونیئرز ہاکی ٹیم جرمنی کیخلاف اپنا پہلا میچ کھیلے گی۔
