لاہور(سپورٹس ڈیسک) سری لنکا نے ویسٹ انڈیز کیخلاف سیریز کے پہلے ٹیسٹ میچ کی پہلی اننگز میں 3وکٹوں پر 267رنز بنالئے ہیں ۔گال میں کھیلے جارہے ٹیسٹ میچ میں سری لنکن کپتان دیموتھ کرونا رتنے نے ٹاس جیت کر بیٹنگ کا فیصلہ کیا ۔ اوپنرز نے 139رنز کا آغاز فراہم کیا ۔ پتھیوم نسانکا 56رنز بناکر آئوٹ ہوئے ۔ اوشادا فرننڈوتین ‘اینجلو میتھیوز تین رنز بناکر چلتے بنے ۔ کپتان کرونا رتنے 132اور دھننجیا ڈی سلوا 56رنز پر کھیل رہے ہیں۔ روسٹن چیز نے دو جبکہ شینن گیبرئیل نے ایک وکٹ حاصل کی ۔