لاہور (سپورٹس رپورٹر) صوبائی سطح پر شطرنج کے مقابلوں کا ایک بار پھر آغاز ہوگیا، پنجاب چیس چیمپئن شپ میں 55 شاطروں نے 7 راؤنڈز میں مقابلہ کیا۔دوسری پنجاب چیس چیمپئن شپ کا انعقاد مقامی ہال میں کیا گیا، جس میں پنجاب بھر سے رجسٹرڈ شاطروں نے شرکت کی۔ایونٹ کی اوپن کیٹیگری میں 55 شاطروں نے 7 راؤنڈز میں مقابلہ کیا۔اس حوالے سے منتظمین کا کہنا ہے کہ فیڈریشن میں دھڑے بندی کی وجہ سے شطرنج کے مقابلے باقاعدگی سے نہیں ہو رہے۔انہوں نے عزم کا اظہار کیا کہ ان کی کوشش ہوگی کہ صوبائی اور ضلعی سطح پر زیادہ سے زیادہ ایونٹس کروائیں اور نوجوانوان کو پلیٹ فارم مہیا کریں گے۔