نئی دہلی (نوائے وقت رپورٹ) بھارت پاک فوج کے ہاتھوں شکست کی حفت مٹانے  کی سرتوڑ کوشش کر رہے ہیں۔ بھارت نے پاکستان کے ہاتھوں پٹنے والے پائلٹ ابھی نندن کو تیسرے بڑے عسکری ایوارڈ سے نواز دیا۔ بھارتی صدر نے ابھی نندن کو ویر چکرا ایوارڈ دیا۔ پاکستانی جنگی طیارہ مار گرانے کی فرضی کہانی گھڑ کر ابھی نندن کو ہیرو بنانے کی کوشش کی گئی۔ امریکی جریدہ پاکستانی طیارہ مار گرانے کا بھارتی دعویٰ مسترد کر چکا ہے۔