لاہور( سپورٹس رپورٹر) قومی کرکٹ ٹیم کے کپتان بابراعظم نے کہا ہے کہ کوشش کریں گے اس مومنٹم کو آگے لے کر جائیں اور ٹیسٹ سیریز بھی جیتیں۔بنگلہ دیش کے خلاف تیسرے ٹی 20 سیریز جیتنے کے بعد گفتگو کرتے ہوئے انہوں نے کہا کہ جیت کا سارا سہرا ٹیم کو جاتا ہے، بطور گروپ ہم نے اچھا کھیلا اور بنگلہ دیش ٹیم کے خلاف اچھی فائٹ بیک کی۔ان کا کہنا تھا کہ بہتری کی گنجائش ہر وقت موجود ہوتی ہے، کوشش کریں گے کہ غلطیوں کو دوبارہ مت دہرائیں۔دونوں ٹیموں کے مابین دو میچوں پر مشتمل ٹیسٹ سیریز کا آغاز 26 نومبر سے ہو گا جبکہ دوسرا میچ 4 دسمبر سے کھیلا جائے گا۔