لاہور( سپورٹس ڈیسک) سعودی دارالحکومت ریاض تاریخ میں پہلی بار 2025 کے ایشین انڈور گیمز اور مارشل آرٹ گیمز کی میزبانی کریگا۔ سرکاری خبر رساں ایجنسی ایس پی اے کے مطابق ایشین اولمپک کونسل کی جنرل اسمبلی نے دبئی میں ہونیوالے اجلاس میں یہ فیصلہ کیا کہ ایشین انڈور گیمز اور مارشل آرٹ گیمز 2025 کی میزبانی ریاض کو سونپی جائے گی۔سعودی وزیر سپورٹس اور سعودی اولمپک کمیٹی کے چیئرمین شہزادہ عبدالعزیز بن ترکی الفیصل نے اس موقع پر بیان میں کہا کہ یہ کامیابی اعلیٰ قیادت کی سرپرستی کے نتیجے میں ملی ہے۔ انہوں نے کہا کہ شاہ سلمان بن عبدالعزیز اور ولی عہد شہزادہ محمد بن سلمان سعودی سپورٹس کی بھرپور سرپرستی کر رہے ہیں۔ 
ان کی خواہش ہے کہ مملکت کھیلوں کے میدان میں ترقی یافتہ ممالک کی صف میں شامل کیا جائے۔