لاہور( سپورٹس رپورٹر)قومی ٹیسٹ سکواڈ میں شامل تمام 14 کھلاڑیوں کے کوویڈ 19 ٹیسٹ کی رپورٹ منفی آ گئی۔پاکستان کرکٹ بورڈ کی جانب سے جاری بیان کے مطابق ڈھاکہ پہنچنے والے قومی سکواڈ میں شامل 14 کھلاڑیوں کی کرونا رپورٹس منفی آئی ہیں۔قومی ٹیسٹ سکواڈ میزبان ٹیم کے خلاف پہلا ٹیسٹ میچ کھیلنے آج چٹاگانگ روانہ ہوگا۔پاکستان کرکٹ بورڈ نے ٹوئٹر اکاؤنٹ پر کھلاڑیوں کی روانگی کی تصویر شیئر کی جس میں اوپننگ بیٹر امام الحق، بیٹر اظہر علی اور آل راؤنڈر فہیم اشرف کو دیکھا جاسکتا ہے۔