سی سی پی او کاتھانہ شاہدرہ کا دورہ حاضری ،ریکارڈاور صفائی کی صورتحال کا جائزہ
لاہور(نامہ نگار)سی سی پی او لاہور فیاض احمد دیو نے گزشتہ روز تھانہ شاہدرہ کا دورہ کیا۔انہوں نے تھانے کے فرنٹ ڈیسک،رپورٹنگ روم، حوالات، ریکارڈ روم سمیت مختلف حصوں کا معائنہ کیا اور تھانے کا ریکارڈ، رجسٹرز، عملے کی حاضری اور صفائی ستھرائی کی صورتحال کا جائزہ بھی لیا۔سی سی پی او لاہور نے صفائی کی ناقص صورتحال پر برہمی کا اظہار کیا ، ایک ہفتے کی مہلت دی ہے۔ افسروں اور عملے سے گفتگو کی، ان کے مسائل سے آگاہی حاصل کی اور حل کے لئے موقع پر احکامات دیئے۔ تھانے میری توجہ کا مرکز ہیں جبکہ تھانوں اور ماتحتوں کی حالت بہتر بنانا میرا مشن ہے۔ سربراہ لاہور پولیس نے خبردار کہا کہ کرائم کنٹرول،ضابطہ اخلاق کی پابندی پر کوئی سمجھوتہ نہیں ہو گا۔اچھی کارکردگی پر نقد انعامات کا اعلان ،ایس ایس پی ایڈمن مبشر میکن نے اہلکاروں میں نقد انعامات تقسیم کئے۔
