لاہور(سپورٹس رپورٹر)ورلڈ جونیئر ہاکی ٹورنامنٹ آج سے بھارتی شہر بھوونیشور میں شروع ہوگا۔پاکستان ٹیم  پہلا میچ جرمنی کیخلاف کھیلے گی، کپتان رانا وحید کا کہنا ہے کہ کھلاڑی جیت کیلئے پرعزم ہیں۔جرمنی کیخلاف بھرپور تیاریاں کی ہیں۔ کپتان رانا وحید نے مزید کہا کہ ٹیم اچھی کارکردگی کا مظاہرہ کریگی، کھلاڑیوں کا مورال بلند ہے اور وہ جیتنے کیلئے پرعزم ہیں۔ٹیم کے کپتان نے قوم سے دعا کی بھی اپیل کی، میچ پاکستانی وقت کے مطابق ساڑھے 11 گیارہ بجے کھیلا جائیگا۔ جونیئر ہاکی ورلڈ کپ کا آغاز بیلجیئم اور جنوبی افریقہ کے میچ سے ہوگا۔