لاہور(سپورٹس رپورٹر) آئی سی سی نے نئی ٹی ٹونٹی رینکنگ جاری کر دی ۔   بابراعظم کی پہلی پوزیشن برقرار  تاہم ریٹنگ پوائنٹس 839 سے کم ہو کر809 ہو گئے ہیں۔ انگلینڈ کے ڈیوڈ ملان 805 ریٹنگ پوائنٹس کیساتھ دوسرے نمبر پر ہیں جبکہ جنوبی افریقہ کے ایڈن مارکرم کی تیسری پوزیشن بھی برقرار ہے۔پاکستان کے محمد رضوان ایک درجہ بہتری کے بعد چوتھے نمبر پر آ گئے ہیں جبکہ پاکستان کے فخر زمان کا رینکنگ میں 35 واں نمبر ہے۔بائولرز کی رینکنگ میں سری لنکا کے ونندو ہسارنگا کا پہلا نمبر برقرار ہے جبکہ دوسرے، تیسرے اور چوتھے نمبر پر بالترتیب تبریز شمسی، ایڈم زمپا اور عادل رشید موجود ہیں۔پاکستان کے شاہین شاہ آفریدی ایک درجہ تنزلی کے بعد رینکنگ میں 11 ویں نمبر پر چلے گئے ہیں جبکہ شاداب خان بھی دو درجے تنزلی کے بعد 14 ویں نمبر پر آ گئے ہیں۔بھارت کے ویرات کوہلی ٹاپ ٹین کھلاڑیوں کی فہرست سے باہر ہو گئے ہیں ۔