اسلام آباد (خبرنگار خصوصی) پاکستان نے شاہین ون اے بیلسٹک میزائل کا کامیاب تجربہ کر لیا۔ پاک فوج کے شعبہ تعلقات عامہ (آئی ایس پی آر) کے مطابق پاکستان نے شاہین ون اے بیلسٹک میزائل کا کامیاب تجربہ کر لیا۔ زمین سے زمین تک مار کرنے والے میزائل کا ڈیزائن، ٹیکنیکل امور کا کامیاب مشاہدہ کیا گیا۔ ڈی جی ایس پی ڈی لیفٹیننٹ جنرل ندیم ذکی منج نے تجربے کا مشاہدہ کیا۔ ترجمان پاک فوج کا کہنا ہے کہ چیئرمین نیسکام ڈاکٹر رضا ثمر نے بھی تجربے کا مشاہدہ کیا۔ کمانڈر آرمی سٹریٹجک فورسز کمانڈ سمیت سائنسدان اور انجینئرز اس موقع پر موجود تھے۔ ڈی جی ایس پی ڈی نے کامیاب تجربے پر سائنس دانوں اور انجینئرز کو مبارک باد بھی دی۔ صدر مملکت ڈاکٹرعارف علوی، وزیراعظم عمران خان، چیئرمین جوائنٹ چیفس آف سٹاف کمیٹی اور مسلح افواج کے سربراہان اور ڈی جی سٹریٹجک پلانز ڈویژن نے سائنس دانوں اور انجینئرز کومبارک باد پیش کی۔