لاہور(سپورٹس ڈیسک ) آسٹریلین اوپن ٹینس ٹورنامنٹ کے ڈائریکٹر کریگ ٹیلی نے کہا ہے کہ سربین سٹار نوواک جوکو وچ کیر یئر کا اکیسواں گرینڈ سلم مس نہیں کرنا چاہیںگے ‘امید ہے کہ وہ کرونا وائرس کے حالات میں ایونٹ میں شریک ہونگے ۔ منتظمین نے کرونا ویکسین کے بغیر کسی بھی کھلاڑی ‘سٹاف کی شرکت کوخارج از امکان قرار دیا ہے ۔ سربین سٹار بیس گرینڈ سلم ٹائٹل جیت کر سپین کے رافیل نڈال اور سوئٹزر لینڈ کے راجر فیڈرر کے ہم پلہ ہیں ۔ان تمام میں سے ایک کھلاڑی سب پر بازی لے سکتا ہے ۔ میرا نہیں خیال نووواک کسی دوسرے کھلاڑی کو آگے بڑھنے کا موقع دینگے ۔ انہوں نے نو بار آسٹریلین اوپن کا ٹائٹل جیتا ہے اور دسویں کیلئے بھی تیار ہونگے ۔