لاہور(سپورٹس رپورٹر) بنگلہ دیش ٹیسٹ کرکٹ ٹیم کے کپتان مومن الحق نے کہا ہے کہ پاکستان کیخلاف ٹیسٹ سیریز میں چیلنج سے نمٹنے کیلئے تیار ہیں ۔ بنگلہ دیش کرکٹ کی تاریخ میں گزشتہ چند ماہ بہت مشکل تھے ‘آئی سی سی ورلڈ کپ سے لے کر حالیہ ٹی ٹونٹی ورلڈ کپ ‘پاکستان کیخلاف ہوم ٹی ٹونٹی سیریز بنگلہ دیش کو شکست کا سامنا کرنا پڑا ہے ۔ ٹیم کم بیک کرتے ہوئے اچھی کارکردگی کا مظاہرہ کریگی ۔ پہلے بھی مشکل حالات کاسامنا کیا ہے ۔کھلاڑیوں کی حالیہ کارکردگی سے ٹیم کو جانچنا درست نہیں ہوگا۔ سیریز کو چیلنج کے طور پر لیں گے ۔ نوجوان کھلاڑیوں کیلئے  موقع ہے کہ وہ کارکردگی دکھا کر اپنے آپ کو ثابت کر سکتے ہیں ۔سیریز میں طویل مدتی منصوبہ بندی پر عمل کیا جائیگا۔