اسلام آباد(نمائندہ  خصوصی /خصوصی نامہ نگار) قائمقام صدر محمد صادق سنجرانی کی وفد کے ہمراہ سینیٹ میں قائد حزب اختلاف سید یوسف رضا گیلانی کی رہائشگاہ آمد۔تفصیلا ت کے مطا بق قائمقام صدر کا قائد حزب اختلاف سینیٹ سے ان کی خوش دامن کے انتقال پر اظہار تعزیت کی ۔قائمقام صدر نے مرحومہ کے ایصال ثواب کے لئے فاتحہ خوانی اور اہل خانہ سے دلی دکھ و افسوس کا اظہار کیا۔انہو ں نے دعا کی کہ اللہ تعالیٰ مرحومہ کی مغفرت اور درجات بلند کرے۔ قائمقام صدر نے قائد حزب اختلاف سید یوسف رضا گیلانی کے ساتھ کچھ وقت گزارا۔قائمقام صدر کے ہمراہ وفد میں سینیٹرز عبدالقادر، طاہر بزنجو، محمد اکرم ، سردار شفیق ترین اور سابق سینیٹر سجاد حسین طوری  بھی شامل تھے۔