لاہور(سپورٹس رپورٹر) قومی ٹیم کے بائولنگ کنسلٹنٹ ورنن فلینڈر کرونا وائرس کی وجہ سے آج چٹا گانگ میں بائیو ببل چھوڑ کر وطن واپس لوٹ جائیں گے ۔ کرونا وائرس کی نئی قسم آنے کے بعد مختلف ممالک نے جنوبی افریقہ کیلئے سفری پابندیاں عائد کی ہیں جس کی وجہ سے فلائٹس آپریشن بند ہو جائیں گے ۔ ورنن فیلنڈر کسی بھی مشکل سے بچنے کیلئے اپنے گھر جنوبی افریقہ سیریز ختم ہونے سے قبل ہی لوٹ جائیں گے ۔ ورنن فلینڈ رنے پہلے ٹیسٹ میچ کے بعد وطن واپس لوٹنا تھا ۔ جنوبی افریقہ میں بھی ہالینڈ کی ٹیم سیریز چھوڑ کر وطن واپس جاچکی ہے ۔ بھارتی ٹیم نے بھی دسمبر میں جنوبی افریقہ کا دورہ کرنا ہے ۔ بھارتی ٹیم کی روانگی آٹھ اور نو دسمبر کو متوقع ہے تاہم اس سے قبل کرونا کی صورتحال کا جائزہ لیا جائیگا۔