اسلام آباد (نامہ نگار) پاکستان مسلم لیگ (ن) کی ترجمان مریم اورنگزیب نے کہا کہ خود بجلی گیس اور کرونا فنڈ کے پیسے کھا گئے اور عوام تقریریں کھائیں، عمران صاحب اور کرائے کے ترجمان مریم نواز کے بخار میں مبتلا ہیں۔ وزیر اطلاعات فواد چوہدری کے بیان پر ردعمل میں ترجمان ن لیگ مریم اورنگزیب نے کہا کہ 15 سال سے عوام ایک ہی تقریر سن رہی ہے، تقریر نہیں تو کیسٹ ہی بدل لیں۔ روٹی نہیں، آٹا نہیں، گیس نہیں صرف کنٹینر کی گفتگو۔ آپ کرونا ریلیف فنڈ کے 40 ارب کھا گئے، 400 ارب کی چینی کھا گئے، غریبوں کی دوائیاں کھا گئے اور صرف کنٹینر کی گفتگو۔ بجلی گیس کھا گئے اور صرف کنٹینر کی گفتگو سنائے جا رہے ہیں۔ انہوں نے کہاکہ عوام کے پاس روٹی پکانے کے لئے گیس نہیں۔