لاہور(سپورٹس رپورٹر) لاہور جمخانہ میں چھٹے حسن طارق رحیم ٹینس چیمپئن شپ کے پہلے دن انڈر 18 کے پہلے رائونڈ میں یحیی احتشام نے ارمان کامران کو چھ چار اور چھ دو سے ہرایا دیا۔ ہشیش کمار کو احمد نواز کیخلاف واک اوور مل گیا ۔ سیمی زیب نے حمزہ جواد کو چھ صفر اور چھ ایک سے شکست دی ۔ مہاتیر محمد نے عزیر خان کیخلاف چھ چار، دوچھ، چھ تین سے کامیابی پائی ۔باقر علی نے علی جواد کو چھ صفر اور چھ صفر سے زیر کیا۔ مینز سنگل میں برکت اللہ نے شاکر اللہ کو چھ تین اور چھ صفر سے مات دی۔ انڈر 18 کے میچ میں غازی احمد نے اسد زمان کو چھے تین چھے تین سے ہرا دیا، مینز سنگلز میں عمران بھٹی نے فیضان فیاض کو چھے دو،چھے ایک سے ہرا دیا، اسی طرح مینز سنگلز کے پہلے ڑاونڈ میں دفاعی چیمپیئن عقیل خان نے عامر عزیز کو چھے صفر، چھے دو سے شکست دے دی۔مینز سنگلز کے مقابلوں میں شہزاد خان نے بلال عاصم کو چھے صفر، چھے ایک سے محمد عابد نے سکندر حیات کو چھے ایک،چھے دو سے اور محمد شعیب نے اسرار گل کو چھے صفر، چھے صفر سے ہرا کر میچ اپنے نام کیا،پربھت کمار نے عبدالحنان کو چھے تین، چار ایک سے ہرا دیا(ریٹائرڈ) مینز سنگلز کے پہلے ڑاونڈ کے آخری میچ میں یوسف خلیل نے ابراہیم عمر خان کو چھے صفر، چھ صفر سے شکست دے دی۔