لاہور(سپورٹس رپورٹر) دکن گلاڈی ایٹر کے بلے باز ٹام بینٹن نے کہا کہ ٹی10بہترین فارمیٹ ہے اسے فلم کی طرح دیکھنا چاہیے اور کرکٹ کا یہی فارمیٹ اولمپکس میں بھی شامل ہو سکتا ہے۔ورچوئل پریس کانفرنس میں گفتگو کرتے ہوئے ٹام بینٹن نے کہا کہ ٹی ٹین کرکٹ فارمیٹ عمدہ اور تیز ترین ہے جو انٹرٹینمنٹ سے بھرپور ہے اور یہی وجہ ہے کہ اسے فلم کی طرح دیکھنا چاہئے۔ بعض شائقین کے لئے ٹیسٹ تو دور کی بات T20 دیکھنا بھی مشکل ہوتا ہے۔ ان کے لئے ٹی ٹین بہت اہم ہے وہ اسے فلم کی طرح دیکھ سکتے ہیں۔ یہی خاصیت ٹی ٹین کو اولمپکس کے لئے موزوں بناتی ہے۔