لاہور(سپورٹس رپورٹر)لاہور قلندرز کے پلئیرز ڈویلپمنٹ پروگرام کے لیفٹ آرم سپنر سید فریدون کا آسٹریلوی ٹی 20 لیگ بگ بیش میں معاہدہ ہوگیا ہے۔سی او او لاہور قلندرز ثمین رانا نے کہا ہے کہ سید فریدون کا بگ بیش لیگ کی ٹیم میلبورن سٹارز سے معاہدہ ہوا ہے، سید فریدون پلیئر ڈویلپمنٹ پروگرام کے تیسرے کھلاڑی ہیں جن کا آسٹریلیا میں معاہدہ ہوا۔حارث روف اور دلبر حسین کا بھی میلبورن سٹارز سے معاہدہ رہ چکا ہے، 19 سالہ سید فریدون آسٹریلیا میں ہیں۔ا نہوں نے کہا کہ سید فریدون کا انتخاب لاہور قلندرز کے ورچوئل ٹیلنٹ ہنٹ پروگرام سے ہوا، سپنر میں غیر معمولی مہارت پائی جاتی ہے۔ان کا یہ بھی کہنا ہے کہ نوجوان ٹیلنٹ کو سامنے لانے کیلئے کام کرتے رہیں گے، سید فریدون کو پلیٹ فارم دیا، اب شو کیس کرنا ان کا کام ہے۔سید فریدون کا کہنا ہے کہ موقع ملنے پر بہت خوش ہوں، میں نے اس موقع کا خواب میں بھی نہیں سوچا تھا۔ ڈویلپمنٹ سے متعلق لاہور قلندرز کا مشکور ہوں، قلندرز ہائی پرفارمنس سنٹر میں عاقب جاوید کیساتھ بہت محنت کی۔