لاہور (سپورٹس رپورٹر)قومی ہاکی فیڈریشن کے سیکرٹری آصف باجوہ نے ا دعویٰ کیا ہے کہ قومی سینئر ٹیم اولمپکس اور ورلڈ کپ کیلئے کوالیفائی کرلے گی۔ ہاکی کی بہتری کیلئے جو ضروری اقدامات تھے وہ کرلیے گئے ہیں، آئندہ سال قومی ٹیم چار بڑے ایونٹ کھیلے گی۔ جونیئر ہاکی ٹیم میں سے پانچ سے چھ لڑکے سینئر ٹیم کو دستیاب ہوں گے جو ایشیا کپ کھیلیں گے اور ان کی کارکردگی بہت اچھی رہی ہے۔ جونیئر ہاکی ورلڈ کپ میں ٹیم میں خامیاں موجود تھیں اور وہ اس لیے تھیں کہ اس ٹیم کا جونیئر ہاکی ورلڈ کپ سے پہلے ایک بھی میچ نہیں ہوا تھا۔ انشا اللہ آپ کو پاکستانی ہاکی ٹیم بڑے ایونٹ میں اچھی کارکردگی کا مظاہرہ کرتی نظر آئے گی۔آئندہ سال ان ایونٹ میں اچھا پرفارم کرکے کوالیفائی کریں گے، واضح رہے کہ قومی ٹیم جونیئر ورلڈ کپ میں ٹاپ 8 ٹیموں میں جگہ نہ بناسکی۔