لاہور(سپورٹس رپورٹر)کرسٹیانو رونالڈو نے پریمیئر لیگ میں انگلش کلب مانچسٹر یونائیٹڈ کی نمائندگی کرتے ہوئے آرسنل کیخلاف 2 شاندار گول کرکے کیریئر میں مجوعی طور پر 800 گول مکمل کیے جس کے بعد وہ یہ کارنامہ انجام دینے والے دنیا کے پہلے فٹبالر بن گئے۔رونالڈو کے مجموعی گولز کی تعداد 801 ہوگئی ہے۔کرسٹیانو رونالڈو نے ریال میڈرڈ کی طرف سے کھیلتے ہوئے 450، مانچسٹر یونائیٹڈ کی جانب سے 130، یووینٹس کیلئے 101 پرتگال کی طرف سے ریکارڈ 115 گول کیے۔ سب سے زیادہ انٹرنیشنلز گولز 115 کا ریکارڈ بھی کرسٹیانو رونالڈو کے پاس ہے۔