لاہور(سپورٹس رپورٹر)نیشنل والی بال چیمپئن شپ کا ٹائٹل پہلی بار نیوی نے جیت لیا، فائنل میں 11 مرتبہ کی چیمپئن ٹیم واپڈا کو ایک کے مقابلے میں تین سیٹ سے شکست ہوگئی۔لاہور میں کھیلے گئے ایونٹ کے فائنل میں نیوی اور واپڈا کے درمیان دلچسپ مقابلہ ہوا، پہلا سیٹ نیوی نے 18-25 کے سکور سے جیتا لیکن دوسرے سیٹ میں دفاعی چیمپئن واپڈا نے کم بیک کیا اور 25-22 کے سکور سے یہ سیٹ جیت کر میچ برابر کردیا ۔ نیوی نے اگلے دونوں سیٹ، 20-25 اور 21-25 سے جیت کر ٹائٹل اپنے نام کرلیا۔تیسری پوزیشن کے میچ میں آرمی نے ایئرفورس کے خلاف پہلے سیٹ میں 18-25 کے سکور سے کامیابی حاصل کرلی لیکن پھر ایئرفورس نے مسلسل 3 سیٹ 22-25، 23-25 اور 19-25 سے جیت کر تیسری پوزیشن اپنے نام کرلی۔