قصور‘ گوجرانوالہ‘ نوشہرہ ورکاں (نمائندہ نوائے وقت + نمائندہ خصوصی) گینگ ریپ کے دو مختلف واقعات میں دو خواتین کی آبروریزی کر دی گئی۔ ملزمان فحش ویڈیو بنا کر بلیک میل کرتے رہے‘ (ک ش) سے ملزمان کی 4 یوم تک اجتماعی زیادتی‘ کھڈیاں خاص کی رہائشی (ز) نے تھانہ کھڈیاں میں درخواست دی لاہور کے رہائشی ملزمان طارق اور عالم کام کاج کے لئے ساتھ لے گئے۔ رائے ونڈ لیجا کر خالی مکان میں 4 یوم تک اجتماعی زیادتی کا نشانہ بنایا اور فحش ویڈیو بنا لی۔ موقع پاکر وہ بھاگ کر ملزمان کے چنگل سے آزاد ہو کر واپس گھر آگئی۔ ملزمان تعاقب کرتے ہوئے گھر آگئے اور ساتھ چلنے کا کہا انکار پر فحش ویڈیو دکھا کر بلیک میل کرتے رھے۔ اسی طرح ایک دوسرے واقعہ میں بھائی پھیرو پھول نگر کی رہائشی (ک) کے مطابق وہ گردہ کی درد کا دم کروانے کھڈیاں آئی پرانا لاری اڈہ سے پیدل جا رہی تھی۔ ملزمان بلال احمد، شوکت علی، عبدالسلام اور اعجاز وغیرہ زبردستی کار میں بیٹھا کر نامعلوم مقام پر لے گئے اور باری باری رات بھر زیادتی کرتے رہے۔ تھانہ کوتوالی کے علاقہ سردخانہ بھابھڑیاں والہ کے رہائشی محمد اسماعیل کا بیٹا (ع) کو اوباش نوجوان عمر احسن بھٹی نے بہانے سے شیرانوالہ باغ کی بارہ دری میں زیادتی کا نشانہ بنا دیا۔ دوسرا واقعہ تھانہ صدر وزیر آباد کے علاقہ بھٹی کے میں پیش آیا جہاں کے رہائشی ناصر محمود کا12 سالہ بھتیجا گھر سے کھیلنے باہر گیا تو ملزم سمیر چنگڑ اس کو ورغلا کر کھیتوں میں لیجا کر نشانہ  بنایا۔ جبکہ تیسرا واقعہ تھانہ صدر وزیر آباد کے علاقہ جھنڈ کوٹ ڈھونیکے میں پیش آیا جہاں کی رہائشی سمیرا سجاد کا بیٹا (س) عباس گھر سے باہر نکلا تو ملزم علی رضا اس کو بہانے سے گھر لے گیا۔ پولیس نے تمام واقعات کے الگ الگ مقدمات کا اندراج کر کے تفتیش شروع کردی ہے۔ سٹی نوشہرہ ورکاں کے محلہ گاہڑی کے اوباش نوجوان گلباز عرف مندری قوم انصاری نیم حلہ کے ہی سات سالہ (ح) کو اپنی بیٹھک میں لے جا کر زیادتی کا نشانہ بنا ڈالا۔ پولیس نے بچے کے والد کی رپورٹ پر ملزم کے خلاف مقدمہ درج کر کے مزید کارروائی شروع کر دی ہے۔