لاہور(نامہ نگار) محکمہ ایکسائز، ٹیکسیشن اینڈنارکوٹیکس کنٹرول لاہور نے شہر کے مختلف کالجزاور یونیورسٹیوں میں منشیات سپلائی کرنے والے 2موت کے سوداگروںکو گرفتار کر کے بڑی مقدار میں ہیروئن اورچرس برآمد کرلی ہے۔ ڈائریکٹرجنرل رضوان اکرم شیروانی کے احکامات اورای ٹی اوفیصل سندھوکی ہدایت پر انسپکٹر سید قمرحسین زیدی کی سربراہی میں خصوصی ٹیم نے منشیات فروشوں کے خلاف جاری کریک ڈاؤن کے دوران باٹاپورکے علاقے میں کارروئی کی۔ ملزم علی رضاور اسلم مسیح کے قبضے سواکلو ہیروئن اور آدھا کلوچرس برآمد کی گئی۔ ملزمان کے قبضے سے ایک گاڑی اور ایک موٹرسائیکل بھی برآمد ہوئی ۔تھانہ باٹا پور میں مقدمہ درج کرا دیا گیا ۔ایکسائز انسپکٹر سید قمر حسین زیدی نے کہا ہے کہ منشیات فروشوںکے خلاف کریک ڈائون کا سلسلہ جاری رہے گا اور رضوان اکرم شیروانی کے احکامات پر شہرسے منشیات فروشوں کا خاتمہ کر کے دم لیں گے۔