لاہور(سپورٹس رپورٹر)صوبائی وزیر کھیل وامور نوجوانان رائے تیمور خان بھٹی نے قومی ہاکی ٹیم کونیشنل ہاکی سٹیڈیم سے مینز ایشین ہاکی چیمپئنز ٹرافی میں شرکت کیلئے ڈھاکہ روانہ کیا،قومی ہاکی ٹیم کو گلدستے دیئے گئے، رائے تیمور سے نیشنل ہاکی سٹیڈیم میں ملاقات بھی کی۔ رائے تیمور نے کہا ہے کہ قومی ہاکی ٹیم کی کامیابی کیلئے پوری قوم دعاگو ہے، ٹیم ملی جذبے کیساتھ میدان میں اترے،ہاکی میں کھویا ہوا مقام دوبارہ حاصل کرنے کیلئے سخت محنت کرنا ہوگی۔ ہاکی کے فروغ کیلئے ہائی پرفارمنس سنٹر قائم کرنے جارہے ہیں جس کا ماڈل بھی تیار کرلیا ہے اور اس کا افتتاح جلد وزیراعلی پنجاب سردار عثمان بزدار کریں گے، ہاکی لیگ بھی کرائیں گے جس میں نامور کھلاڑی شرکت کریں گے۔