لاہور(سپورٹس رپورٹر) سیکرٹری پی ایچ ایف آصف باجوہ نے کہا ہے کہ قومی ٹیم ایشین چیمپئن شپ میں اپنے ٹائٹل کا دفاع کریگی، سگفریڈایکمین کیساتھ 2026 تک لانگ ٹرم معاہدہ کیا ہے ، 2026 ورلڈ کپ کیلئے قومی ٹیم تیارکریں گے۔  ایکمین کے معاہدہ کیلئے ادائیگی کی ذمہ داری وفاقی حکومت نے لی ہے۔ خواجہ جنید نے کہا کہ ایکمین کی آمد کو ویلکم کرتا ہوں اور ہم ایک ہاکی فیملی کی طرح کام کریں گے۔ سیگفریڈایکمین نے کہا کہ میں کھلاڑیوں سے ملا ہوں اور ان سے بات کی ہے،کھلاڑیوں میں ہمیشہ پوٹینشل ہوتا ہے مگر اسے استعمال کرنا ہے۔ ایشین چیمئنز ٹرافی کے نتائج بارے ابھی کچھ نہیں کہہ سکتا،ہمیں کھلاڑیوں کیلئے شارٹ ٹرم اور لانگ ٹرم پلان بنانا ہیں،کھلاڑیوں کی سکلز کے علاوہ فزیکل اور مینٹل فٹنس پر کام کریں گے۔کوشش کروں گا پاکستان ہاکی ٹیم میں بہتری لا سکوں۔ دیگر ٹاپ ٹیموں اور پاکستان کی رینکنگ میں بہت فرق ہے۔