لاہور(سپورٹس رپورٹر)پاکستان کرکٹ بورڈ کے چیئرمین رمیز راجہ نے کہا ہے کہ کور ڈرائیو میں بابر اعظم سے اچھا کوئی نہیں۔ گراس روٹ سطح پر کام کر رہے ہیں،جونیئر کنٹریکٹ لا رہے ہیں، انڈر 11، انڈر 16 اور جونیئر کرکٹرز کو سپورٹ کریں گے۔ 11سال کی عمر میں بچے کو کرکٹ کی سمجھ آجائے تو اس سے اچھا کچھ نہیں۔ سکول کرکٹ کے حوالے سے اچھی خبریں آئیں گی ،جونیئر سطح پر بہترین کوچز کی ضرورت ہوتی ہے اور مستقبل کے سپر سٹار بنانے کیلئے پاتھ وے کرکٹ پر بہترین کوچز لانے ہیں۔