لاہور(سپورٹس ڈیسک )ملائیشین ہاکی کنفیڈریشن نے بنگلہ دیش میں ہونیوالی ایشین چیمپئنز ٹرافی میں شرکت سے معذرت کرلی ہے۔ایشین ہاکی فیڈریشن کے مطابق سینئر ملائیشین کھلاڑی کا حال ہی میں کرونا وائرس کا ٹیسٹ مثبت آیا تھا، ٹیم کو مکمل طور پر قرنطینہ کردیا گیا ہے۔یہی وجہ ہے کہ ملائیشین ہاکی ٹیم ایشین چیمپئنز ٹرافی میں شرکت نہیں کریگی۔ایشین ہاکی فیڈریشن کے مطابق نئی صورتحال کے تناظر میں ایونٹ میچز کا نیا شیڈول جاری کیا جائیگا کیونکہ اب ایونٹ میں 6 کے بجائے 5 ٹیمیں کھیل رہی ہیں۔