آسٹریلیا ‘انگلینڈ کی طرز پر پچز بنیں گی ‘37کروڑ روپے خرچ ہونگے : رمیز راجہ
لاہور(سپورٹس رپورٹر) پاکستان کی پچز اب آسٹریلیا اور انگلینڈ کی طرز پربنیں گی جس کی وجہ سے ملکی کھلاڑیوں کو اندرون ملک ہی بیرون ملک کھیلنے کا تجربہ حاصل ہو جائے گا۔ اس بات کا اعلان چیئرمین پی سی بی رمیز راجہ نے کیا ہے۔ انہوں نے کہا کہ پرفارمنس کی بنیاد پچز سے بنتی ہے۔ پچزز کو بہترین بنانے کی ضرورت ہے۔نیشنل ہائی پرفارمنس سنٹر میں پی ایس ایل سیون کی تقریب سے خطاب کرتے ہوئے رمیز راجہ نے کہا کہ پچزز کو بہترین بنانے کی ضرورت ہے۔کرکٹ کے سبجیکٹ پر بہت محنت کی ضرورت تھی اور بطور کرکٹر سمجھنے کی ضرورت تھی کہ کرکٹ کہاں سے اوپر جائے گی؟ ایک ڈیڑھ مہینے میں 30 کے قریب ہائی برڈ پچزز سکولوں و کالجوں میں لگائیں گے۔ دوپچزز سپانسر کی ہیں۔ 37کروڑ کی مالیت کی دو ڈراپ ان پچزسپانسرز کی گئی ہیں جن میں سے ایک پچ لاہور اور دوسری کراچی میں لگائی جائیگی۔کرکٹ بورڈ اور فرنچائز مالکان کا تعلق بہت اہم ہے ،لیڈرشپ بہتر ہو تو تمام چیزیں بہتر سمت میں جاتی ہیں جبکہ بورڈ اور مالکان کو ایک پیج پر ہونا چاہیئے۔ کوشش یہی ہے کہ پی ایس ایل کو دنیا کی بہترین لیگ بنائیں ،تمام فرنچائز اور سپانسرز کا تعاون اہم ہے اس لئے ان کا شکریہ ادا کرتا ہوں۔ سٹریٹجک پارٹنرشپ کرنے جارہے ہیں ،جب تک آپ کی پچز نہیں ہونگی تو بین الاقوامی کرکٹ میں مشکلات ہونگی ،جتنی بھی فرسٹ کلاس کرکٹ دیکھی اس میں پچز کا معیار بہتر نہیں تھا، اگر پچ اچھی نہیں ہوگی تو آپ کا پراڈکٹ ٹھیک نہیں ہوگا۔
