پولیو مہم کا آج سے آغاز‘ رواں سال پنجاب سے کوئی کیس نہ آیا
لاہور (نوائے وقت رپورٹ) پنجاب میں رواں سال پولیو کا ایک کیس بھی سامنے نہیں آیا۔ انچارج پولیو پروگرام سندس ارشاد کے مطابق 6 ماہ کے دوران پنجاب سے لئے گئے تمام ماحولیاتی نمونے منفی ہیں۔ رواں سال کی انسداد پولیو مہم کا آغاز آج سے ہوگا۔ پانچ روزہ مہم میں ایک کروڑ 69 لاکھ بچوں کو پولیو کے قطرے پلائے جائیں گے۔ پولیو مہم کیلئے ایک لاکھ 56 ہزار سے زائد پولیو ورکرز تعینات کئے گئے ہیں۔
پولیو مہم
