لاہور (نامہ نگار) ڈاکوؤں اور چوروں نے شہر کے مختلف علاقوں میں ڈکیتی و چوری کی وارداتوں کے دوران متعدد شہریوں سے لاکھوں روپے‘ طلائی زیورات، موبائل فون، موٹر سائیکلیں، گاڑیاں اور دیگرسامان لوٹ لیا۔ تفصیلات کے مطابق ڈاکوؤں نے گڑھی شاہو میں امجد کے گھر سے ساڑھے5 لاکھ‘ سبزہ زار میں آفاق کے گھر سے5لاکھ‘ چوہنگ میں رضا کے گھر سے 3 لاکھ‘ نشتر کالونی میں حماد کے گھر سے 2لاکھ ‘ طلائی زیورات، موبائل فون و دیگر سامان، جوہر ٹاؤن میں عبید کی فیملی سے 2 لاکھ  اور موبائل فون، شاہدرہ میں لیاقت کی دکان سے ڈیڑھ لاکھ  اور موبائل فون، بادامی باغ میں مقصود کی دکان سے ایک لاکھ اور موبائل فون، گلبرگ میں ناصر سے ایک لاکھ‘ لیاقت آباد میں عابدہ سے 50 ہزار‘  اور موبائل فون، نولکھا میں وحید سے 20 ہزار اور موبائل فون لوٹ لیا۔ چوروں نے جوہر ٹاؤن اور ڈیفنس سے دو کاریں، موہلنوال سے رکشہ جبکہ مصری شاہ، مصطفی آباد، ہنجروال، شاہدرہ ٹاون، شیرا کوٹ اور کوٹ لکھپت کے علاقوں سے6 موٹرسائیکلیں چوری کر لیں۔