لاہور( سپورٹس رپورٹر) سلطنت عمان میں پہلی بین الاقوامی ٹینٹ پیگنگ چیمپئن شپ کا انعقاد۔چیمپئن شپ میں دنیا بھر سے 16ممالک نے حصہ لیا۔چیمپئن شپ 29 نومبر سے 7 دسمبر تک جاری رہی۔ چیمپئن شپ میں شامل پاکستانی کھلاڑیوں نے 2طلائی ،2 چاندی اور ایک کانسی کا تمغہ حاصل کر کے نمایاں کارکردگی کا مظاہرہ کیا۔پاکستان کا نام روشن کرنے والے کھلاڑیوں نے ہیڈ کوارٹرز پاکستان رینجر پنجاب میں ڈی جی رینجرز پنجاب سے ملاقات کی ۔ڈی جی رینجرز پنجاب میجر جنرل سید آصف حسین نے میڈل حاصل کرنیوالے کھلاڑیوں کو مبارک باد دی۔چیئرمین ایکو سٹرین فیڈریشن آف پاکستان ڈی جی رینجرز پنجاب نے بہترین کھیل پیش کرنے والے کھلاڑیوں کو ڈی جی اکاموڈیشن سرٹیفکیٹ سے نوازا۔