ویسٹ انڈیز کیخلاف شاہین آفریدی کا شاندار اوور، پی سی بی نے یاد تازہ کردی
لاہور( سپورٹس ڈیسک) پاکستان کرکٹ بورڈنے قومی کرکٹ ٹیم کے نوجوان فاسٹ بولر شاہین شاہ آفریدی کی انٹرنیشنل کرکٹ کیرئیر میں ویسٹ انڈیز کیخلاف پہلے اوور کی یاد تازہ کی ہے۔پی سی بی نے اپنے ٹوئٹر اکانٹ پر 2018میں ویسٹ انڈیز کے خلاف شاہین شاہ آفریدی کے انٹرنیشنل کیرئیر کے پہلے اوور کی ویڈیو شیئر کی ہے۔شاہین شاہ آفریدی نے اپریل 2018میں کھیلے گئے میچ میں اپنی شاندار کارکردگی کی بدولت بے پناہ پذیرائی حاصل کی تھی۔پاکستان کے لیے اپنے بین الاقوامی ڈیبیو میں شاہین کی شاندار بولنگ نے انہیں ایک اسٹار کھلاڑی کے طور پر بین الاقوامی سطح پر پہچان بنانے میں مدد دی تھی۔
