لاہور(سپورٹس رپورٹر) آئی سی سی نے اگلے سال ہونے والے ویمنز کرکٹ ورلڈکپ کے شیڈول کا اعلان کردیا ہے۔آئی سی سی کی جانب سے جاری بیان کے مطابق آئی سی سی ویمنزکرکٹ ورلڈکپ نیوزی لینڈ میں کھیلا جائیگا، فارمیٹ کے مطابق ہر ٹیم کو 7 گروپ میچز کھیلنا ہونگے۔پاکستان کی وویمن ٹیم میگا ایونٹ کا آغاز روایتی حریف بھارت کیساتھ ہونیوالے میچ سے کریگا، مقابلہ 6 مارچ کو ہوگا۔ویمن ورلڈکپ میں قومی ٹیم دوسرا میچ آسٹریلیا کے خلاف کھیلے گی، 11 مارچ کو گرین شرٹس جنوبی افریقہ سے مقابلے کیلئے میدان میں اتریں گی جبکہ 14 مارچ کو اس کا ٹاکرا بنگلہ دیش کیساتھ ہوگا۔اکیس مارچ کو ویسٹ انڈیز کیخلاف پاکستان میدان میں اتریگا، 24مارچ کو پاکستان انگلینڈ سے ٹکرائے گا جبکہ میزبان نیوزی لینڈ سے پاکستان کا میچ 26 مارچ کو ہوگا۔واضح رہے کہ پاکستان، بنگلہ دیش اور ویسٹ انڈیز ویمنز کرکٹ ٹیموں نے کوالیفائر میچز کھیل کر میگا ایونٹ میں رسائی حاصل کی ہے۔ویمنز کرکٹ ورلڈکپ کوالیفائر میچز زمبابوے میں کھیلے گئے تھے تاہم کرونا وائرس کی نئی وبا ‘اومیکرون’ کے باعث ان کو ملتوی کردیا گیا تھا۔