لاہور(سپورٹس ڈیسک ) میزبان ٹیم آسٹریلیا نے  ایشیز سیریز کے دوسرے ٹیسٹ میچ کیلئے  پلیئنگ الیون کا اعلان کردیا۔ انگلینڈ کیخلاف سیریز کے دوسرے ٹیسٹ میں  ان فٹ فاسٹ بائولر جوش ہیزل ووڈ کی جگہ جھے رچرڈسن کو ٹیم میں شامل کیا گیا ہے۔ دوسرا ٹیسٹ میچ آج سے ایڈیلیڈ  میں شروع ہو گا۔ ایشز سیریز میں آسٹریلیا کو 1 صفر کی برتری حاصل ہے۔میزبان ٹیم کے اوپنر ڈیوڈ وارنر نے فٹنس ٹیسٹ پاس کرلیا ہے جس کے بعد وہ ٹیم میں جگہ برقرار رکھنے میں کامیاب ہوگئے ہیں۔دونوں ٹیموں کے درمیان ایڈیلیڈ میں ڈے اینڈ نائٹ ٹیسٹ میچ آج سے شروع ہو گا۔واضح رہے کہ کرکٹ آسٹریلیا نے برسبین ٹیسٹ میں فاسٹ بائولر جوش ہیزل ووڈ کے سائیڈ اسٹرین انجری کا شکار ہونے کی تصدیق کرتے ہوئے بتایا تھا کہ وہ جمعرات سے ایڈیلیڈ میں ہونے والے ٹیسٹ کیلئے ٹیم کو دستیاب نہیں ہوں گے۔دونوں ٹیموں کے درمیان جاری 5 ٹیسٹ میچز کی ایشز سیریز میں آسٹریلیا کو 1 صفر کی برتری حاصل ہے۔