سبی (آئی این پی) کوہلو کے علاقہ بازیلی میں بارودی سرنگ کے دھماکہ میں ایک شخص موقع پر جاں بحق جبکہ خاتون زخمی ہوگئی۔ تفصیلات کے مطابق بازیلی میں ایک شخص اپنی بیوی اور بچے کے ساتھ موٹر سائیکل پر جارہا تھا کہ زیر زمین بارودی سرنگ زوردار دھماکہ سے پھٹ گئی۔ دھماکے سے موٹر سائیکل پر سوار شخص جاں بحق جبکہ اسکی بیوی اور بچہ زخمی ہوئے جن کو فوری طور پر طبی امداد کیلئے قریبی ہسپتال لے جایا گیا جہاں دونوں کی حالت نازک بتائی جاتی ہے۔ سکیورٹی فورسز نے علاقہ گھیرے میں لے کر تفتیش شروع کردی۔