لاہور (سپورٹس رپورٹر) ایشین ہاکی فیڈریشن کے زیراہتمام ایشین چیمپینز ٹرافی میں روائتی حریف پاکستان اور بھارت آج مدمقابل ہونگے۔پاکستانی وقت کے مطابق میچ  2:30بجے کھیلا جائیگا۔ایشین چیمپینز ٹرافی میں سب سے زیادہ بار چیمپین ہونے کا اعزاز بھی پاکستان اور بھارت کے پاس ہے۔ ایشین چیمپینز ٹرافی کے چھٹے ایڈیشن میں جوکہ 14تا 22دسمبر بنگلہ دیش کے شہر ڈھاکہ میں کھیلا جارہا ہے۔آج دوسرا میچ میزبان بنگلہ دیش اور جنوبی کوریا کے درمیان شام پانچ بجے کھیلا جائیگا۔عالمی رینکنگ میں انڈین ہاکی ٹیم تیسرے نمبر پر موجود ہے جبکہ پاکستان عالمی رینکنگ میں 18ویں نمبرپر موجود ہے۔رواتی حریف پاکستان اور بھارت کے مابین میچ شائقین ہاکی کیلئے خاصا دلچسپ اور پرجوش ہوگا۔ پاکستان ہاکی ٹیم جو کہ سینئر اور جونیئر کھلاڑیوں کے امتزاج سے تیار کی گئی ہے اس میں پرجوش اور تجربہ کار کھلاڑی موجود ہیں۔