لاہور(سپورٹس رپورٹر)پاکستان کرکٹ ٹیم کے ہیڈ کوچ ثقلین مشتاق کا کہنا ہے کہ کوچ کیلئے تکنیکی باتوں سے پہلے پلیئرز کو سمجھنا ضروری ہے۔ پاکستانی کرکٹرز ’سیلف میڈ‘ ہوتے ہیں، گلیوں میں خود سیکھ کر بنتے ہیں۔ پاکستانی کھلاڑیوں میں پائی جانے والی صلاحیتوں کا اعتراف کیا اور انھیں سراہا۔ پوری دنیا پاکستان میں پایا جانے والا ٹیلنٹ مانتی ہے۔ بابر اعظم دور حاضر کے میگا سٹار ہیں جبکہ ٹی ٹونٹی ورلڈ کپ میں بھارت کیخلاف شاہین شاہ آفریدی کی 2  گیندوں نے پاکستان کو ایک نئی انرجی دی تھی۔قومی ٹیم کے سابق آف سپنر ثقلین مشتاق کا مزید کہنا تھا کہ میں نے زندگی میں شاہین شاہ آفریدی جیسی گیند بازی نہیں دیکھی۔