لاہور(سپورٹس رپورٹر) پاکستان کرکٹ بورڈ نے نیشنل ہائی پرفارمنس سنٹرکیلئے پاور ہٹنگ کوچ کا عہدہ متعارف کرانے کیساتھ نئے کوچز کی تلاش شروع کردی ہے، اس حوالے سے باقاعدہ اشتہار بھی جاری کردیا گیا ہے جس میں ہائی پرفارمنس کوچ، بیٹنگ کوچ، بائولنگ کوچ، فیلڈنگ کوچ اور پاور ہٹنگ کوچ کیلئے 17 جنوری تک درخواستیں طلب کی گئی ہیں۔بیٹنگ کوچ کے طور پر سابق کپتان محمد یوسف ذمہ داریاں نبھارہے ہیں جبکہ عتیق الزمان فیلڈنگ کوچ کے طور پر استعفی دے چکے ہیں،ان سے پہلے محمد زاہد بائولنگ کوچ کے عہدے سے الگ ہوچکے ہیں۔ نئے کوچز نیشنل ہائی پرفارمنس سنٹر میں کھلاڑیوں اور ٹیموں کی پرفارمنس میں بہتری لانے کیلئے کام کریں گے۔