گوجرانوالہ‘ تیز رفتار ٹرک کی موٹر سائیکل کو ٹکر‘ 2 نوجوان جاں بحق
گوجرانوالہ (نمائندہ خصوصی) سیالکوٹ بائی پاس پر تیز رفتار ٹرک کی موٹر سائیکل کو ٹکر، حادثہ میں دو نوجوان جاں بحق، تفصیلات کے مطابق سیالکوٹ بائی پاس کے قریب تیز رفتار ٹرک نے موٹر سائیکل کو ٹکر مار دی۔ جس کے نتیجے میں دو نوجوان موقع پر ہی جاں بحق ہو گئے۔ ریسکیو اہلکاروں نے نعشوں کو ڈسٹرکٹ ہسپتال منتقل کر دیا ہے۔ جاں بحق ہونیوالوں میں 19سالہ ذونیر اور 17سالہ فہد شامل ہیں۔ مقامی پولیس نے تحقیقات کا آغاز کر دیا۔
