راولپنڈی (سٹاف رپورٹر) ائیرپورٹ سکیورٹی فورس کی جانب سے سردی کے حوالے سے الرٹ جاری کر دیا گیا۔ ڈائریکٹر ائیرپورٹ فورس کی جانب سے مراسلہ کے مطابق 25 دسمبر سے ملک میں سردی کی لہر آ رہی ہے۔ سردی کی شدت ایک سنٹی گریڈ یا منفی ہو سکتی ہے۔ جس سے  52 سالہ ریکارڈ بھی ٹوٹ سکتا ہے۔ سائبیریا سے آنیوالی سرد ہوائیں معمولات زندگی‘ کاروبار‘ نقل و حمل کو بری طرح متاثر کر سکتی ہیں۔ 26 دسمبر کو مکمل سورج گرہن ہو گا۔ اس سے بھی سردی بڑھ سکتی ہے۔ تمام افسروں و اہلکاروں کے متاثر ہونے کا خدشہ ہے۔ سردی کی شدت سے بچنے کیلئے گرم لباس پہنیں‘ گھر سے بلاضرورت باہر نہ نکلیں۔ تاکہ گھر والے خصوصاً چھوٹے بچے موسمی تبدیلی کے امراض نمونیہ وغیرہ سے محفوظ رہ سکیں۔