کوئٹہ (نوائے وقت رپورٹ) کوئٹہ میں ایئرپورٹ روڈ پر دھماکہ میں دو افراد جاں بحق ہوگئے۔ پولیس کے مطابق دھماکے میں 6 افراد زخمی ہوگئے جن کو طبی امداد کیلئے ہسپتال منتقل کر دیا گیا ہے۔ دھماکہ گیس کی لیکج کے باعث ہوا۔ دھماکے سے عمارت اور اس کے اطراف عمارتوں کو نقصان ہوا اور شیشے ٹوٹ گئے۔ ریسکیو عملہ طلب کر کے اطراف کے گھروں کو خالی کرا لیا گیا ہے۔ دھماکے کی تفتیش کی جا رہی ہے۔ دھماکے میں جاں بحق افراد میں ایک لڑکی بھی شامل ہے۔