سڈنی (شِنہوا)آسٹریلیا کی ریاست کوئنز لینڈ کے دارالحکومتی شہر برسبین کے قریب  ایک چھوٹا طیارہ سمندر میں گرنے سے 4  افراد ہلاک ہو گئے۔ کوئنز لینڈ پولیس نے اتوار کے روز تصدیق کرتے ہو ئے کہا  کہ ہلاک ہونے والے چار افراد میں دو جوان مرد  اور دو بچے شامل ہیں۔مقامی پولیس انسپکٹر کریگ وائٹ نے کہا کہ طیارے کو مینگرووز کے پیچھے غائب ہوتے دیکھا گیا۔ تھوڑی دیر بعد اس علاقے میں اسی وقت ایک ہوائی جہاز کو الٹتے ہوئے اور مینگرووز کے قریب گہرے پانیوں میں دیکھا گیا۔اس چھوٹے چار نشستوں والے طیارے نے مقامی وقت کے مطابق صبح 9 بجے برسبین کے شمال میں واقع ریڈکلف ایئرپورٹ سے اڑان بھری۔کوئنز لینڈ پولیس کے ایک بیان میں کہا گیا ہے کہ کوئنز لینڈ واٹر پولیس کے افسران اور ریاست کے فرانزک کریش یونٹ کے ساتھ مل کر ایک ملٹی ایجنسی تحقیقات پہلے سے ہی جاری تھیں جس نے طیارے کی تحقیق اور نعشوں کو برآمد کرنے کے لیے غوطہ خور بھیجے۔