جہانیاں (نمائندہ نوائے وقت) یوٹیلیٹی سٹور کا انچارج چور نکلا‘  نواحی اڈا پل 14 پر قائم یوٹیلیٹی سٹور کا انچارج سرفراز احمد شہریوں کو سبسڈی شدہ چینی گھی سمیت دیگر سامان دینے کی بجائے گزشتہ روز علی الصبح سٹور سے سامان چوری کرتے رنگے ہاتھوں پکڑا گیا چوکیدار کی طرف سے پولیس تھانہ ٹھٹھہ صادق آباد کو اطلاع دی گئی، جبکہ سامان سے بھری گاڑی نامعلوم ساتھی لیکر فرار ہونے میں کامیاب ہوگئے، جبکہ پولیس نے یوٹیلیٹی سٹور انچارج سرفراز کو گرفتار کرلیا، اطلاع ملنے پر یوٹیلیٹی سٹور حکام افسران بھی موقع پر پہنچ گئے، جبکہ موقع پر موجود شہریوں نے بتایا کہ سٹور انچارج پہلے بھی شہریوں کو سستی اشیاء  دینے کی بجائے ختم ہونے کا بہانہ بناکر رات کی تاریکی میں من پسند افراد کو فروخت کرتا تھا، ڈی پی او خانیوال،ڈپٹی کمشنر خانیوال ریجنل منیجر یوٹیلیٹی سٹور حکام پکڑے گئے سٹور انچارج کے خلاف سخت کاروائی کریں۔ یوٹیلیٹی سٹور حکام کا کہنا تھاکہ سرفراز احمد کے خلاف قانونی کاروائی کے علاؤہ محکمانہ کاروائی بھی عمل میں لائی جائے گی۔